Шинэ оны босгон дээр

Шинэ ажил авсан болохоор ойрдоо ажил тун их байлаа. Хэтэрхий мэдрэмтгий хамартай, хэтрvvлж хэлэхэд нохой шиг хамартай над шиг хvн Улаанбаатарын хорт утаанаас болж харшил-ханиад гээч eвчин жилд нэг удаа хvрэх гээд байдаг болчихлоо. Ёстой ажлын садаа гэгч л энэ юмдаа. Тэгээд амралтын хэдэн eдрийг ашиглаад хeдee эрvvл агаарт гарч сайхан амрая гэж бодож байна. Модтой ууланд цасан дунд алхан оргил дээр гараад шинэ оны анхны eглee нар мандахыг уулын оргил дээрээс харж баясюу гэж бодож байна.

Vнэндээ Улаанбаатарт шинэ оныг угтах сонирхол огт алга. Улаанбаатарын сvvлийн нэг долоо хоногийг ажиглахад гадуур дотуур сэтгэл нь хeeрсeн, хeлчvvрхсэн, хагас галзуурсан, хагас солио туссан, далдаганасан хvмvvсийн тоо мeн ч олширч дээ. Сэтгэл нь хeeрснeeс тэдгээр хvмvvс замын хeдeлгeeнд оролцохдоо улам л галзуу, догшин, бvдvvлэг болсон байна. Lexus унасан том гvзээтэй залуу Газ-24-тэй eвeeг мал, vхрээр нь дуудаж байхыг харлаа. Land Cruiser-тэй полдгор залуу нэг жижигхэн хvvхнийг учиргvй загнаж п**** гэдэг хараалаар зvхэж байхыг vзлээ. За тэгээд баяр дeхeeд ирэхээр хvмvvсийн сэтгэлийн хeeрeл нэмэгдэж улам л бvдvvлэг болох, баяр тэмдэглэж байна гэхээрээ манайхны дийлэнх нь нийлж архидахыгаа л хэлдэг юм шиг байна. Утгагvй vрэлгэн хэрэглээг дэмжсэн, бие биедээ eмсeж зvvсэн, унаж эдэлснээрээ баярхсан, бас бие биенээ худлаа “шилдэг, тэргvvн, манлай” гэж цом нэртэй шил, тeмeр, eргeмжлeл нэртэй жаазтай цаас eгдeг “баярын цэнгvvн” гэгч утгагvй арга хэмжээнд би vнэндээ маш дургvй. Орой vдэш харихаар явахад хагас нvцгэлсэн халамцуу хvvхнvvд такси барих гээд олноороо найган ганхаж зам дагуу биеэ авч явж чадахгvй аалигvйтэн зогсоцгоох нь тун ч муухай харагддаг.

Ер нь шинэ оныг угтана гэдэг нь гэр бvлийн л баяр биздээ? Гэтэл энэ хvмvvс маань албан байгууллагын шинэ жил, амраг садан, гэр бvлийн шинэ жил, анд нeхдийн шинэ жил, анги хамт олны шинэ жил гээд vгvй чухам хичнээн ч олон удаа шинэ жил гээчийг тэмдэглэдэг юм, хичнээн ч их цаг, мeнгe vрдэг юм бvv мэд. Юунд нь тэгж хeeрцeглeeд жаахан хvvхэд шиг баясаад онгироод байдаг юм болдоо ёстой мэдэхгvй...

За за шинэ оны босгон дээр сeрeг сэтгэгдэл бичээд яахав. 2008 онд би улиран одож буй 2007 он шиг 3 удаа ажлаа солихгvй байх гэж найдъя. Хийх ёстой ажлаа хийтэл хvн хэдэн ч удаа ажлаа сольж болно гэдэг. Хийх гэсэн юмаа хэрэгжvvлж чадах орчинтой байгууллагад орсон гэж найдаж байгаа.

Шинэ оны мэндийг дэвшvvлье.