The Prize: Epic quest for oil, money and power

Ойрд орон гэрийн нvvдэл, суудал хийгээд оройдоо жаахан бичиг, цаас, номнуудаа янзалж, хаяхыг нь хаяж авахыг нь авдаг ажилтай болчихоод байгаа. Oчигдeр орой зeeж амжаагvй номнуудаа эмхэтгээд том ногоон цvнхэндээ ууталж байтал Даниель Иергиний нэг танил ном нvдэнд eртeeд авч vзээд эргvvлж жаахан уншлаа. Эрчим хvчний эдийн засгийн хичээл дээр нэмэлт байдлаар уншсан номнууд дунд энэ ном байсан юм. За байз тэр чинь 2004 оны хавар юм байна. Тэгээд хуудсуудыг нь эргvvлээд дотор нь харандаагаар тэмдэглэл хийсэн eeрийнхee танил бичигнvvдийг олж харав. Тэр vед би ч харьцангуй гайгvй бичдэг байжээ. Одоо бол бичгийн хэв гэж авах юмгvй муухай юм болсон.

За тэгээд eнeeгийн эдийн засаг, бvтээгдэхvvн, тvvхий эд, санхvvгийн зах зээлийн нeлeeлeл газрын тосны зах зээл дэх спекуляцийн нeлeeллийг арилгаж vнийг зах зээлийн тэнцвэрийн тvвшинд нь хvргэж бууруулан цаашид тэнцвэрийн vнийн шилжилтэд нeлeeлж байгаа (тэнцвэрийн vнэ дунджаар $70-$75/баррель байсан бол eдгee WTI, брент маркийн газрын тосны vнэ $60/баррель-аас ч доогуур тvвшинд хvрч буураад байгаа)-гийн цаадах учир шалтгаан нь мэдээж ЭЗХАХБ-ын орнуудын тeдийгvй бvрэлдэж буй эдийн засгуудын eсeлтийн удаашрал, дэлхий нийтийг хамарсан эдийн засгийн хямрал, газрын тосны эрэлт, хэрэглээний eсeлтийн саармагжилт, еврогийн ханшийн сулрал (газрын тосны vнэ ба еврогийн ханшийн хоорондын хамаарал хvчтэй байгаа), алтны vнийн бууралт энэ тэр гээд л хeвeрнe. Харин эдийн засаг, зах зээлийн учир шалтгааныг гэхээсээ улс тeрийн бодлогын учир шалтгааныг нь бодоод vзэхээр ёстой л Даниель Иергинийн энэ номыг Танд санал болгомоор санагдсан юм. Энэ ном миний уншиж байсан номнуудаас сэтгэлийг минь хамгийн ихээр татсан номнуудын нэг бeгeeд уншсаны дараа Танд энэ номыг худалдах, хvнд eгeх, хаях биш номын сандаа зайлшгvй vлдээх сэтгэгдэл тeрvvлэх болно.

Даниель Иергин энэ номоо бvтэн 7 жилийн турш бичсэн бeгeeд энд 1850-1990 онууд дахь дэлхийн газрын тосны аж vйлдвэрлэлийн хeгжил, зах зээлийн тvvх, эдийн засаг, улс тeрийн бодлого зэргийн талаар асар eргeн хvрээг хамруулан, олон урьгалч vзлээр харан, их хэмжээний тvvхэн тоо баримтад суурилан eгvvлэх болно. Энэ ном нь цаг хугацааны хувьд ч гэсэн яг цагаа олсон бvтээл гэж хvмvvс ярьдаг. Тухайлбал, 1990 оны 10 дугаар сард энэ номыг хэвлэсэн нь Иракийн зэвсэгт хvчин Кувейтэд халдсанаас 2 сарын дараа, харин АНУ тэргvvтэй зeвшилцлийн орнууд Персийн булангийн дайнд оролцож эхэлснээс 3 сарын eмнe байжээ. Энэ ном дэлхийн 14 орны хэлээр хэвлэгдсэн ба Даниель Иергин энэ номоороо Pulitzer-ийн шагнал хvртсэн юм.