Ногоорохын eмнeхeн

За хe Валютын сангийн 2 зeвлeх маань буцсанаар хагас цагийн ажил маань хурал зeвлeгeeн, хэлэлцvvлэг, ярилцлагаас тvр зуур ангижрав. Гэхдээ л тeлeвлeгeeтэй ажлуудаа хугацаанд нь хийж дуусгах ёстой учир цаг бага л байна даа. Бvтэн цагийн ажил маань ч яахав дээ, хэзээ л ажил нь сийрч байлаа даа, ар араасаа нэмэгдээд л “тун ч хэвийн” явж байна. Сvvлийн хоёр долоо хоногт хамгийн эгдvv хvргэсэн нь иенийн ханшийн хэлбэлзэл байлаа даа.

Мартсанаас Монголын эдийн засгийн чуулга уулзалтын vеэр хvмvvс нэг vеийг бодвол эрдэс баялгийн vнийн eсeлтeeс хуримтлагдсан ашгийг хэрхэн зарцуулах талаар бага боловч ойлголттой болсон нь ажиглагдаж байлаа. Гадаадын улсуудын хэлэлцvvлсэн маш элементар сэдэвтэй илтгэл энд тэнд сонсч мэдээлэл авснаар манайхан бас ч гэж “Норвегийн туршлага, Аляскийн байнгын сан, Чилийн тогтворжилтын сан” гэх зэрэг vгс хэлдэг болж. Уул нь дотоодын мэргэжлийн хvмvvсээ vнэлж ашигладаг бол Монголын эрдэс баялгийн салбарт хийх юм ч их, уг салбарыг зeв гольдрол нь оруулах боломж ч багагvй байдаг юм шvvдээ. Харамсалтай нь тамын тогооны vлгэрээр Монгол хvн Монгол хvндээ маш халгаатай, харин гадаад хvнд хайр зарладаг юм л даа. Ачир дээрээ манай шийдвэр гаргагчид тэрхvv эрдэс баялгийн орлогоос бvрдсэн сангуудын ангилал, зорилго, зориулалт, удирдах vйл явц, стандарт, зохицуулалт, дvрэм гэдгээ сайн судлаагvйгээс гаргаж байгаа шийдвэр бvхэн нь алд дэлэм алдаатай байдаг. Ядаж eeрсдee мэддэггvй юм гэхэд мэддэг мэргэжлийн хvмvvсээ ашигламаар юмдаа. Энд би зориуд нэг жишээ бичмээр санагдсан юм. Монгол улсын хeгжvvлэх сан гэж уран чамин нэр eгсeн тэр сангаа удирдах бодлого нь манайд огт тодорхой бус байдаг. Зарим нь шууд л Аляскийн байнгын сангийн жишгээр иргэддээ ногдол ашиг хуримтлуулах ёстой гэж ташаардаг, зарим нь тэр чигээрээ улсын хeрeнгe оруулалтад зарцуулагдах ёстой гэж зvтгэдэг. Эцэст нь 1/3 нь хeрeнгe оруулалтад, 1/3 нь сандаа vлдэхээр, vлдэж байгаа нь шууд л нийгмийн халамж-бэлэн мeнгeнд зарцуулагдаж байх юм. Энэ мэтчилэн хоосон толгойтой “улс тeрчид” Монголд юм юмаар л тоглох юм. Зvй нь уг сангийн удирдлагыг авч vзэхдээ улсын хeрeнгe оруулалтын хeтeлбeр, хувийн хэвшлийг дэмжих хeтeлбeр, тeсвийн тогтвортой байдал, бvтэцчилэгдсэн тeсвийн тэнцэл, макро эдийн засгийн дунд, урт хугацааны тогтвортой байдал зэрэг олон ухагдахуунуудыг авч vзэх ёстойсон доо. Номыг нь сураагvй энэ олон харалган шийдвэр гаргагчдыг яалтай ч билээ дээ?

За ганц eдeр ч гэсэн эртхэн унтахыг бодъё. 06 am хvртэл бvтэн 5 цаг 45 минутын хугацаа байна гэхээр сайхан санагдаж байх чинь. За за давсанд явлаа.

October 27, 08

Амралтын eдрvvдээрээ бас л амарч чадсангvй. 2 eдeр нам сууж ажиллав. Хувийн ажил ч гэж их байлаа. Яг одоо eглeeний 06:25 болж байна. Урд шeнe огт унтсангvй. Яаралтай нэг ажил хийж суусаар дeнгeж сая л дууслаа. Тэгээд захиалагч руугаа мэйлдчихээд л сууж байна. Ганц цаг зvvрмэглээдхэе гэсэн чинь тархийг нэг чангахан бvсээр боочихсон юм шиг санагдаад, элдэв янзын юм толгойд эргэлдээд болсон ч vгvй. Vгvй ихгэхэд саяхан л Баасан гаригийн vдэш болж би бээр ажлаасаа оройхон гарахдаа “за хe бvтэн 2 eдeр, 3 шeнe байна, ажлаа ч амжуулж, сайхан амарч чадна даа” гэж бодон их л баяртайхан алхаж байсан санагдана. Гэтэл одоо шинэ долоо хоногийн эхний ажлын eдрийн eглee болчихсон, би Баасан гаригаас Даваа хvртэл хадаастай юм шиг суусан санагдаад байдаг. Амралтын eдрvvдэд амарч чадахаа байсаар хэдэн ч долоо хоночихов доо. Гэрийнхнээс маань эхлээд анд найзууд бvгд л “жаахан ч гэсэн амарч бай, ингэж байж чи нэг eдeр мажийна шvv” гэдэг юм. Oнeeдeр тэдгээр vгнvvд нь чихэнд бvр ч тод сонсогдож байх чинь юу вэ. Нэг муурч унаж байж ойлгох юм болов уу даа.

За за энэ муу сандал, ширээнээсээ босч шvршvvрт орох минь. Бие арай дээрдэнэ. Кофе ч буцлаг. Компьютер ч амраг. Oнeeдeр 27-ны Даваа гариг ингэж л эхэллээ. Have a great day ahead!!!

Нойр хулжиж эхэлсэн eдeр...

Урд шeнe нойр хулжив. 10 eнгeрeeж гэртээ хариад 12 eнгeрeeж нойрсохоор хэвтсэн хvний нойр яахаараа хvрдэггvй билээ. Бослоо. Цаг 04:10 дээр байх юм. Кофе... vгvй арай л эрт байна. Сvv... уух хvсэл алга. Жимсний шvvс...eлeн ходоодон дээр тааруу. Ус л уулаа. Компьютер асаангаа чихэвчээ толгойд углав. Хэдэн мэйл иржээ. Уншив. Хариу бичив. Заримыг устгав. Дуусгаагvй байсан нэг файлаа нээлээ. Чихэнд Razorlight эгшиглэнэ. Боломжийн хeeрхeн аялгуунууд. Энэ vед яг нэг хvний тухай бодол толгойд орж ирэв. Ямар сонин мэдрэмж вэ? Яагаад нойр хулжсаны учир ч тайлагдах шиг. Чихэнд сонсдох басс, ритм, соло, бeмбeр ажилдаа тeвлeрeхийг дэмжиж харин нeгeeх бодол ажилд тeвлeрvvлэхгvй саад болох аж. Сандлаасаа бослоо. Муур мэт хэсэг алхлаа. Цонхоор харахад гадаа тас харанхуй, анир чимээгvй. Хvн болгон “хагас vхэж” буй бололтой. Тагтан дээр гарч агаар соров. Арай eeр байна. Нeгeeх бодол бас л толгойд. Би яагаад тогтворгvй болчихов гэж гайхлаа. Их л тэвчээртэй, тогтвортой, тайван хvнсэн. Буцан орж тvрникнээс дvvжлэгдэн хэд суниав. Oглee эртийг хэлэх vv сайн суниаж байнаа. Сандал дээрээ ахин сууж арагш гэдийн нvдээ аниад гvнзгий амьсгалан тeвлeрeхийг хичээв. Дараа нь нvдээ нээн ажлаа эхэллээ. Vнэхээр тeвлeрчээ. Нэг мэдэхэд цаг 07-г зааж. Шvршvvрт орж кофе чанадаг цаг минь. Хувцаслаад ажлын зvг. Ингэж л eнeeдeр эхэлсэн. Харин хэрхэн тeгсeхийг бvv мэд. Oдeржин ганцаараа байхыг, хэнтэй ч vл ярихыг хvссэн ямар сонин eдeр байвдаа... Баасан гаригийн vдэш улам ч замбараагvй болох Улаанбаатрын тэр нэгэн хоромд vvнийг бичиж vлдээв...

Back to My Workaholic Lifestyle

Ирсээр vндсэн ажил маань ихэссэнээс гадна зуны турш жаахан завсарлага аваад байсан 2 дахь ажлаа эхэлсэн биш ажлын тeлee юм шиг амьдралдаа умбаад л, шумбаад л ороод явчихав. Тeрийн бус байгууллагын минь судалгааны тeсeл эхэлчихсэн болохоор хийдэг хоёр ажил маань “24 цагийг 25 болгож ажилла” гэж хоолой дээр хутга тулгаад болдоггvй. Ирэх зуныг хvртэл иймэрхvv хэв маягаар амьдраад л байхаас биш яахав. Сонгосон зам, зорьсон зорилго, амласан амлалт юм хойно ард нь гарч байж санаа амарна даа. Гэвч би ганцаар бишээ. Судалгааны тeсeл дээрээ хамтарч, намайг дэмжин ажиллаж байгаа цeeхeн боловч бvх хvмvvстээ хязгааргvй ихээр талархаж явдаг шvv. Энэ тeслийн ажлаа нэг чулуу болгочих юм бол Монголд маань vнэхээр их хэрэгтэй байгаа юм. Иймээс хичээж зvтгэнээ.

Одоо ч намрын налгар нар цаашлаад eвeл авхай ирэх нь дээ. Нар ургахаас eмнe eглee гарч гvйх гэхээр eвчин авчих гээд хэцvv болжээ. Хeлс нэвт цохиод ханиад хатгалгаа тусчих юм бол бvх тeлeвлeгee, ажил маань нуран унах тул болзошгvй эрсдлээс сэргийлээд фитнессийн хиймэл зам дээр л гvйхээс бишдээ. Уул нь гvйхэд бодит зам, бодит агаар тун eeр л байдаг юм. Яая гэхэв.

Ажлын, нийгмийн стресс, ядаргаа, ачаалал, дарамтаас аврах, хэлтлэх арга зам маань эрvvл агаар, байгалийн сайхан, рок хeгжим, extra bold кофе л болоод байна. Slipknot ч vнэндээ арай л eeр “эм” юмаа. Зарим vед чи намайг авардаггvй ч, зарим хvнд vед сэргээх чадал чамд байдаг шvv. Thanks Slipknot.

Ганцаардал гээч зvйл хvний амьдралыг байнга л эргэж тойрч байх. Гэвч тэр зvйл заримдаа надад тэнхээ eгeх чадалтай сайн найз минь болдог юм. Заримдаа би амьдралаа сайн ойлгохгvй юм. Юуны тeлee, яах гэж амьдарч байгаагаа. Нийгмээ ойлгохгvй, хvлээн зeвшeeрч чадахгvй байгаагаас eeрee eeртэйгээ зeрчилдeeд л тэр бизээ. Гэвч хvн eeрee eeрeeсee яаж урван тэрсэлж болох билээ дээ...