We've been living life inside a bubble...

Ойрд холбоо бариагvй хvмvvсээс захидал ирээд сайхан байнаа. Oчигдeр багшаас маш урт мэйл ирлээ. Уншаад дуусахад нэг л сайхан мэдрэмж тeрж, Мичиганаас багшийн маань эрч хvч мэйлээр нь дамжаад ирэх шиг л болов. Хvнд урам eгч, хvнтэй нэг л зангаар, vргэлж vнэн сэтгэлээсээ харьцдаг багшийгаа би их хvндэлдэг. Дараа нэг уулзахаараа eнгeрсeн 2 жилд юу хийж бvтээснээ тухтай хуучилж, гэрээр нь зочилноо. Багш Energy Economics-ийн ном бичиж байгаа гэнэ. Тэгээд олон жил ажилласны эцэст сая л нэг sabbatical vacation авч, Америкаар хeндлeн гулд аялан номоо бичиж байгаа юм байна. Номных нь анхны уншигчдын нэг нь би байх болно гэдэгтээ баяртай байгаа.

Португалид танилцсан Швед танил маань eeрийн байгууллагын гаргадаг судалгааны сэтгvvлээ явуулж бас нэг урт мэйл бичсэн байв. Би тvvнд нэг их тус болж байгаагvй л дээ. Гэтэл маш vнэтэй захиалга бvхий сэтгvvлvvдээ надруу vнэгvй явуулаад л байх юм. Тэр хvнд нэг тус болчих юмсан…Санаж явбал бvтдэг дээ.

Сар шинэ гээд 3 хоног хэрдээ л завгvй байлаа. Oдeр нь ахмад настай улсуудад vйлчлээд л таарсан. Шeнe нь ажлаа хийгээд зугаатай ч юм шиг, ядаргаатай ч юм шиг хэдэн eдeр eнгeрлee. Нэг eдeр сайхан амарч, шeнe бvтэн нойртой унтах юмсан. За тэгээд сар шинэ гэдэг чинь ахмад настан, балчир хvvхдvvдээ баярлуулж, сайхан уртын дуугаа дуулж, архигvй, тамхигvй, цагаан идээ зооглоод л eнгeрсeн жилийнхээ амжилт бvтээл, туршлага, ирэх жилийнхээ тeлeвлeгee, удам судраа гэр бvл, тeрeл саднаараа ярьж суудаг тийм л утга учиртай баяр. Сар шинээр хeдee явах л хамгийн сайхан байдаг. Эх байгальтайгаа ойр, сэтгэл нэг л хангалуун.

Маргааш ч ажил буцалдгаараа буцална. Бусад хvн болгоны адил би завгvй амьдралдаа эргээд л орно. Бид нэг том гэгчийн бeмбeлeг дотор л амьдарсаар байх юм. Тэр бeмбeлeг дотор сайн муу олон зvйл холилдон оршдог. Заримдаа гаднаас харахаар eчvvхэн, маш eчvvхэн, хэнд ч тоогдохооргvй боловч дотор нь орохоор агуу том, маш их боломж, маш их зvйл хийгдэхээр хvлээгдэж байгаа мэт тийм содон бeмбeлeг юм л даа. Бид бeмбeлгeн дотроо эргэлдсээр л байвал мeхeл улам л ойртох байхдаа. Иймд уг бeмбeлгийг зeв л хагалах юмсан. Цаг урссаар л. Ажилла даа!!!